බුදුන් වහන්සේ රාවණ රජුගේ ආරාධනාව පිළිගෙන ලංකාපුරයට වැඩිසේක....! Lord Buddha Arrived to the City of Lanka by accepting the invitation of King Ravana
රාවණ රජුට බුදුන් වදාල ලංකාවතාර සුත්රය -2
රාවණ රජුට බුදුන් වදාළ ලංකාවතාර සුත්රයේ පළමුවන කොටසෙදි අපට හරියටම තහවුරු කරගන්න බැරි වුණ දෙයක් තමයි රාවණ රජු සිටියේ කුමන බුදුන් වහන්සේගේ යුගයේද කියන එක. ඒ ලිපියට ලැබුණ ප්රතිචාර අනුව නම් ඒ කාශ්යප බුදුන් වහන්සේ කියන මතය තිබුණා. ඒ වගේම අපේ සැබෑ ඉතිහාසය සොයා නම ගමනට නිතර ආශිර්වාද කරන විද්වතුන්ගේ මතය වුනේද මේ කාශ්යප බුදුන් සමයේ රාවණ රජු සිටියා යැයි කියන එකයි.
පසු ගිය ලිපියේ අපි ලංකාවතාර සුත්ර දේශානාව නතර කලේ රාවණ රජු විසින් බුදුන් වහන්සේට ලංකාවට වඩින ලෙස කලා ආරාධනාවෙන්. අද එතැන් සිට ලංකාවතාර සුත්රය ඉතිරි කොටසත් විමසමු.
“මේ නගරය ආධ්යාත්මික හා දැනුවේ විචික්ෂණ බුද්ධියෙන් අභ්යන්තර විඥානයන් පවා අවබෝධ කරගත් ස්ථානයකි, මහා අනර්ඝ පාෂාණයන්ගෙන් සෑදුන මේ කදු මුදුන මෙම බුද්ධිය විදාරණය කල ස්ථානයකි. ඒ නිසා භාග්යවතුන් වහන්සේත් මේ මහා අනර්ඝ පාෂණයන්ගෙන් සරසන ලද මෙම ශිඛරයේදී මා ඇතුළු පිරිවරටද නිර්මල වූ සත්ය වදාළ සේක්වා, අපි ඇසීමට කැමැත්නේ සිටිමු.“
ලංකාවතාර සූත්රය වනාහි අතීතයේ වැඩ විසූ බුදුවරුන් පවා වර්ණනා කල, ඉතා අභ්යන්තරයෙන් අවබෝධ කරගත්තා වූ අන් කිසිම දහමක හමු නොවන්නා වූ අනර්ඝ දහමකි. අතීතයේ වූ විජයග්රාහී පුතුන් හමුවේ අතීත බුදුවරු දේශනා කරන මේ දහම නැවතත් සිහිකරගන්නෙමි. භාග්යවතුන් වහන්ස දේශනාකරන සේක්වා.
අනාගතයේදී යක්ෂ ගෝත්රිකයන් කෙරහි බුදුවරුන්, බුද්ධපුත්රයන් විසින් අනුකම්පිත අවධානය යොමුකරාවි. යක්ෂ ගෝත්රික නායකයන් පිරිවර උදෙසා මෙම මහානුභාවසම්පන්න දහම, මෙම අනර්ඝ පාෂණයන්ගෙන් සෑදුන ශිඛරය මත දී දේශනා කරනු ඇත.
මහානර්ඝ පාෂණයන්ගෙන් ලංකෘත, මහා ශිඛරයන්ෙගන් වටවුණු, සුවදායක හා අලංකාර වූ අභාරණ වලින් සෑදුන වියන් වලින් සමන් විත ලංකාපුරය විභූතිමත් පුරවරයකි.
භාග්යවතුනි, මෙහි සිටින්නා වූ යක්ෂගෝත්රිකයන් තන්හාවෙන් මිදුන, අභ්යන්තරයෙන්ම අතීත බුදුවරුන්ගේ සත්යාවබෝධ කරගත්තා වූ පිරිසකි. ඔවුන් මහායාන ඉගැන්වීම් විශ්වාස කරන්නන්ය. අප යක්ෂගෝත්රික තරුණ දූ වරුන් හා පුතුන් හට මහායානය දැනගැනීමට අවැසි වී ඇත.
භාග්යවතුනි, මහා ගුරුවරයාණෙනි මලය කදුමුදුනේ ලංකාපුරයට වඩිනු මැනවි.
===============================================
මෙම ලංකාවතාර සුත්රයට අනුව කාශ්යප බුදුන්වහන්සේ ලක්දිවට වැඩම කිරීමටත් පෙර සිටම ලංකාව බෞද්ධ දේශයක් වූ බව පැහැදිලිය. මෙම සුත්රයේ කරුණු වලින් හෙලිවන දෙයනම් මහායාන බුදුදහම ලංකාව පුරා අතීතයේ සිටම පැතිරී තිබූ බවයි. එලෙසම අප සැලකිල්ල දැක්විය යුතු කරුණක් වන්නේ බුදුදහම යනු ගෞතම බුදුන් වහන්සේ විසින් පමණක් දේශනා කල කරුණු පමණක්ද යන්නයි. මහායාන ධර්මයට අනුව පෙරබුදුවරු පවා දේශනාකරන ලද සුත්ර ධර්මයන් පවා ප්රධානතම ධර්ම කරුණු ලෙස භාවිතා වේ. මෙම සුත්රය ඊට හොදම උදාහරණයයි.
මෙම සුත්රයට අනුව රාවණ වැනි අපගේ ශ්රේෂ්ඨ නරපතියන් බුදුන් දැකීමට පවා පෙර බෞද්ධයන් වූ බව පැහැදිලි වේ. රාවණ රජුහට නොයෙකුත් බලයන් තිබූ බව ප්රකට කරුණකි. අදටත් මහායාන ධර්මය තුල මාර්ග ඵල නොලබා විවිධ වූ ධ්යානයන් ලබාගත් පුද්ගලයන් මහායාන ධර්මය අදහන චීනය, ජපානය වැනි රට වල අප්රසිද්ධව ජීවත් වන බව අසන්නට ලැබේ. මේ පිලිබදව වැඩිපුර අවබෝධයක් චීන කුංෆු සටන්කලාව අශ්රිතව හදුනාගත හැක. විවිධ සිනමාපට මගින්ද මෙලෙස අහසින් ගමන් කරන, පාවෙන, මනසින් ගමන් කරන පුද්ගලයන් මතුවෙන්නේ මහායාන ඉගැන්වීම් අනුව ලබාගත් ධ්යානවලින් බව සිතාගත හැක.
===============================================
කුම්භකර ඇතුළු රාක්ෂ ගොත්රික මහායානය කෙරෙහි සැදහැවත්ව මේ නගරරයේ සිටන්නද මේ අභ්යන්තර අවබෝධය පිළිබදව ඇසීමට සැදීපැහැදී සිටි. ඔවුන් අතීතෙය් බුදුවරුන්ටද අනලස්ව තම උපහාරය දැක්වූවන්ය. අදටත් එසේය. ලංකාපුරය කෙරෙහි දයානුකම්පාව දක්වා, හිමියනි වඩිනු මැනවි.
මහාමථි,(මෙලෙස මහාමථි නම් බෝධිසත්වයන් වරයෙක් පිළිබදව මෙම සුත්රය පුරාවටම දැකගත හැක) විවිධ වර්ගයන්ගේ අබරණ ගෙපැලැදැ අපසාරවන්ගෙන් පිරුණ මාගේ මන්දීරයද, මනෝරම්ය වූ අශෝක උයනද පිළිගනුමැනවි. මම බුදුරදුන් වහන්සේට හා බුද්ධ පුත්රයන් වහන්සේලාගේ සේවයට කැපවන්නෙමි, උන්වහන්සේලාගේ අනුකම්පාව උදෙසා මා හට කැප කල නොහැකි දෙයක නොමැත. මහා මුණිවරයාණෙනි මා හට අනුකම්පා කරණ සේක්වා.
මෙලෙස රාවණ රජුගේ ආරාධනාවන්, වර්ණනාවන් අසා සිටි තිලෝගුරුන් “යක්ෂාධිපති රජුනි, මේ මහානර්ඝ පාෂණයන්ගෙන් සෑදුන මේ කදුමුදුන අතීත බුදුන් පවා වැඩිය භූමියකි, ඔබ හට අනුකම්පා කර සත්ය දේශනා කරමි. එලෙසම අනාගත බුදුවරුන් පවා ,මාණික්යන්ගෙන් සැදූනා වු මෙම කදු මුදුනේදී ඔවුන්ගේ ධර්මයන් දේශනාකරනු ඇත.“
“මෙම ගැඹූරු වූ සත්ය, සත්ය සෙවීමේ අරමුණින් සිටින්නා වූ යෝගී වරුන් පවා බලාපොරොත්තුව සිටි සත්යකි. යක්ෂ රජුනි ඔබ හට මාගේ අනුකම්පාව හිමිය.“
භග්යවතුන් වහන්සේ මෙලෙස රාවණ රජුගේ ආරාධානාව පිළිගෙන නිශ්ශබ්දව හා රාවණ රජු විසින් පිළිගන්වන ලද පුෂ්පක රථයට වැඩි සේක.
අනතුරුව විජයග්රාහී පුත්රයන් වන රාවණ රජු හා පිරිවර විසින්, අප්සරාවන් විසින් ගෞරව පූර්වකව ගයමින්, වයමින් හා නර්තනය කරමින් බුදුන් වහන්සේ ඇතුළු පිරිවර රැගත් රථය ලංකාපුරයට ලගා විය.
මනරම් වූ ලංකාපුරයට සැපත් වීමෙන් අනතුරුව නැවත නැවතත් බුදුන් වහන්සේ ගෞරව පුර්ව වන්දනාවන්ගේ ගෞරව දැක්වීය. රාවණ රජු ප්රමුඛ යක්ෂ සමූහයෙන්ද, යක්ෂ ගෝත්රික කාන්තාවන්ගේද වන්දනාවට ලක්විය. විවිධ වූ මාණික්යන්ගෙන් සෑදුන වියනක් තරුණ යක්ෂ පුතුන් හා දූවරුන් විසින් බුදුන් වහන්සේට පූජාකරන ලදි.
රාවණ රජු විසින් අලංකාර ආභරණින් යුක්ත වූ ගෙලපලාදනාවක් බුදුන් වහන්සේ ඇතුළු බුද්ධ පුත්රවහන්සේලාට පළදවන ලදි. බුදුන් වහන්සේ ප්රමඛ නැණයෙන් සම්පන්න වූ බුද්ධ පිරිවර විසින් පිළගන්වන ලද, පූජාකරන දේ පිළිගනිමින් ගැඹුරු වූත්, අභ්යන්තරයෙන් අවබෝධ කරගත්තා වූත් සත්ය දේශානාකරිමට සූදානම් විය.
===============================================
මේලෙස කාශ්යප බුදුරාජානන් වහන්සේ විසින් ලක්වැසන්ට ලංකාවතාර සූත්රය දේශනාකිරීම ආරම්භ කිරීම දක්වා අද ලිපියෙන් සදහන් කල අතර, ඉදිරිලිපි වලින් කාශ්යප බුදු රදුන් විසින් දේශනාකරන ලද ලංකාවතාර සූත්රෙයේ ඉතිරි කොටස් විමසමු.
ලංකාවතාර සූත්රයට අනුව අනාගත බුදුන් වරුන් විසින් පවා ලක්දිවට වැඩම කර මෙම සත්ය දේශනාකරන බව සදහන්. ලංකාවතාර සුත්රය දේශනාකරන ලද්දේ ලංකාපුරය නැමති නගරයේ බව පැහැදිලියි. මීට පෙර අප ලෝකයේ පරමාදර්ශි නගරය ලෙස ලංකාපුරය ගැන සාකච්චා කලා මතක ඇති. එයට අනුව ලංකාපුරයද කදුමුදුන් 3ක් මත පිහිටි නගරයක් බවත් අපි සදහන් කලා. නමුත් ලංකාවතාර සුත්රෙය් එය කදුමුදුන් 3ක පිහිටි බවක් සදහන් වෙන්නේ නැහැ. කොහොම වුණත් කදුමුදුනක, මලය දේශයේ පිහිටි නගරයක් බව අදුනාගන්න පුළුවන්.
ත්රීකූට පුරයද?
සීගිරීයද?
නැත්තම් වෙනත් ස්ථානයක්ද? ඒ වගේම අනාගත බුදුවරුන් විසින්ද යක්ෂ ගෝත්රිකයන් අරභයා මෙම සත්ය දේශනාකල යුතුයි. අප දන්නා 28ක් වූ බුදුන් වහන්සේලාට අනුව කකුසද, කෝණාගම, කාශ්යප හා ගෞතම යනු මේ මහා භද්රකල්පයේ දැනට බුද්ධත්වයට පත් වූ බුදුවරයානන් වහන්සේලායි. කාශ්යප බුදුන් වහන්සේගෙන් අනතුරුව ගෞතම බුදුන් වහන්සේ විසින්ද මෙම උතුම් සත්ය ලක්වාසී යක්ෂ ගෝත්රිකයන්ට දේශනාකල යුතුයි.
එසේනම් එය විසකුම්භණ සුත්රෙය් සදහන් වන ගිරිදේශයේ ධර්ම දේශනාවද? නැතිනම් හෙළ අසුර අධිරාජ්යෙය් අවසන් ශ්රකාධිපති හෙවත් දේව අධ්යාපන ප්රධානී සුමන අරභයා සමන්තකූඨයේ කරන ලද දේශනවාද යන්න අප විසින් විසදාගත යුතු ගටළුවකි.
මෙලෙස අපගේ සැබෑ ඉතිහාසයේ විවිධ ගැටළු, පරස්පරතාවයන් හමු වේ. කොහොම නමුත් සැගවී ඇති අපේ සැබෑ ඉතිහාසයෙන් විවිධ මුලාශ්ර ඔස්සේ කරුණු සොයාගැනීමට දිගටම රැදී ඉන්න කියලා ඉල්ලන ගමන්ම අදට ලංකාවතාර සුත්ර දේශන සිංහල පර්වර්තනය -2 කොටස මෙතනින් නිම කරණවා. ඇත්තටම ලංකාවතාර සුත්රෙය් පළමු පරිච්ඡෙදය තුලම තමයි තාමත් අපි ඉන්නේ.
මීලග කොටසින් හමුවන තෙක් ඉතින් ආයුබෝවන්..
Comments
මම හිතන්නේ ඔය කියන්නේ මිහින්තලය අම්බස්තල මලුවි එතන කදු 3 ක් තියන සතර බුදුන් වැඩි තැනක්
මම මිට කලින් ලංකාවතාර සුත්රය ගැන අහල තිබුනට මේ වගේ විස්තරයක් දැනගෙන හිටියේ නැහැ
බොහොම පින් මේ දැනුම බෙදාහදා ගන්න එකට
නුවරඑළියේ මහඑළිය තැන්න(හෝර්ටන් තැන්න) ආශ්රිතව ලංකාපුරය පැවතී බවට සඳහන් පොතක් මම කියෙව්වා
මහඑළිය තැන්න යන නම සැදුනෙත් ලංකාපුරය ගිනිගත් වේලේ නැගී ආ ගින්න පහල ප්රදේශවල ජනයා දුටු පසු එයින් හටගත් නාමයක් ලෙසින්ද එහි සඳහන් වුවා
තොටුපොළ කන්ද සහ තවත් රාවණා පුවතට නෑකම් කියන බොහෝ ස්ථාන මේ ප්රදේශය හා අවට බැඳී පවතින නිසා ලංකාපුරය මේ ප්රදේශයේ වූ බවට ඉදිරිපත් කරන මතය ප්රබලයි.
එවිට මෙම කියන කඳු කිහිපය ශ්රීපාදය සහ ඒ අවට ඇති කඳු මුදුන් වීමට ඇති ඉඩකඩ ගොඩක් වැඩියි.
එක පොතක තමයි මේ විස්තරේ තිබුනේ
මම අන්තිමට කියල තියෙන එකේ යම් අපැහැදිලි බවක් තියෙනවා කියල මටත් දැන් හිතෙනවා
මට කියන්න උවමනා උනේ මහඑළිය තැන්න අවට ප්රදේශයේ ලංකාපුරය පිහිටියා කියන මතයයි
ඒ අවට මෙවැනි කඳු ගැට කිහිපයක් තියෙනවා
ශ්රීපාදය පවා තියෙන්නේ ආසන්න දුරකින්, කිරිගල්පොත්ත ත් එසේමයි
එලෙසම ලංකාපුරය මෙහි පවතී බවට සිතිය හැකි අනිත් කරුණනම් මහඑළිය තැන්නේ ඇති පසේ ස්වභාවයයි.. එය තද කළු පහන් යුතු වන අතර බොහෝ නිසරු බවක්ද පෙන්නුම් කරනවා
මම මේ කියන්නේ දැනට තණකොළ වර්ග පමණක් වැවී ඇති තැන්නක ස්වරුපයේ ඇති බිම්කොටස ගැන
අධික තාපයකට ලක්වී පිළිස්සුනු ස්වභාවයක් එහි ඇති බවක් පසේ පාටෙන් සහ නිසරු බවෙන් පෙන්නුම් කරනවා වන්නට නොහැකිද....
පිළිස්සීම සිදු වුයේ ලංකාපුරය ගිනි ගැනීමෙන් වීමට ඉඩ තියෙනවා කියල මට හිතෙනවා
මහඑළිය තැන්නේ ඉපැරණි වී ගොවිතැනේ සාධක පවා හමු වී තියෙනවා
ඊටත් පෙර කාලයේදී බාර්ලි, ඕට් වැනි ධාන්ය වර්ග පවා මෙහි වගා කර ඇති බවට පරීක්ෂණ මගින් සොයාගෙන තියෙනවා
මහඑළිය තැන්නේ පරීක්ෂණ සිදු වී ඇත්තේ බොහෝ සීමිතව බව කියන්නම ඕනේ දෙයක්
බේකර් මහතා ඔහුගේ පොත් වල සඳහන් කරන ආකාරයට මෙහි පැරණි ගොඩනැගිලි නටබුන් පවා ඔහු දැකල තියෙනවලු
නමුත් මෑත කාලීනව කිසිම සොයා බැලීමක් සිදු වූ බවක් පේන්න නැහැ
ඒ කරුණු එහෙම්මම යට ගිහින්