දෙව්දුව...

දෙව්දුව...

මේකත් ඒකෝමත් එක කාලයක එකක් තමයි.

ඔන්න ඉතින් එකමත් එක කාලයක ඉපදෙන්න ලංවුණ ළමයෙක් හිටියා. ඒ කියන්නේ ගන්දබ්බ අවදියේ වගේ අපි හිතමුකෝ එයා හිටියේ දිවිය ලෝකේ කියලා.

ඉතින් මේ ළමයා දෙවියන්ගෙන් මෙහෙම ඇහුවා.

“  හෙට ඔබවහන්සේ මාව මනුස්ස ලෝකයට යවනවා කියලා අනිත් අය කියනවා. මාව එහෙට යැවුවාම මම ගොඩාක් පොඩියි. තනියෙම යමක් කරගන්නත් බෑ. එහෙම තියෙද්දිත් ඇයි ඔබවහන්සේ මාව මනුස්ස ලෝකයට යවන්නෙ..?“

දෙවියන් එයාට මෙහෙම පිළිතුරු දුන්නා.“  ගොඩාක් දෙව්දූවරු ඉන්නවානේ. ඒ අය අතරින් කෙනෙක් මම ඔයාටම තෝරලා තියෙන්නෙ. එයා ඔයා එනකම් බලා ඉන්නවා. එයා ඔයා ගැන හොදට බලාවි“


 ඉතිරි ටිකත් කියවන්න

“නමුත් මට මෙහේ හිනාවෙන්නයි සිංදු කියන්නැයි ඇරෙන්න වෙන කිසිදෙයක් කරන්න නැහැ. ඒ දේ තමයි මට ඕනෑ සතුටින් ඉන්න.“ ළමයා ආපහු දෙවියන්ට කීවා.

“ ඒ දෙව්දුව ඔයා වෙනුවෙන් සිංදු කියාවි. ඔයාට ඒ දෙව්දුවගේ ආදරය දැනේවි. ඔයා සතුටින් ඉදිවී.“ දෙවියන් පිළිතුරු දුන්නා.

“ඒ වුණත් කොහොමද මම මිනිස්සු කතා කරන දේවල් තේරුම් ගන්නෙ. මම ඒ භාෂාව දන්නෙත් නැහැනේ“ 

මේකට දෙවියන් මෙහෙම කීවා “ ඒක හරිම ලේසියි...! ඒ දෙව්දුව ඔයාට මේතාක් කාලයකට අහපු මිහිරිම වදන් වලින් ඔයාට කතා කරයි. ඉවසීමෙන්, උනන්දුවෙන් ඔයාට කතා කරන්න උගන්වයි.“ 

ළමයා දෙවියන් දිහා බලාගෙන මෙහෙම ඇහුවා, “ එතකොට මම, මට උවමනා වුණාම ඔබවහන්සේට කතා කරන්නෙ.“ දෙවියන් හිනාවෙලා ළමයාට මෙහෙම කීවා. “ ඒ දෙව්දුව ඔයාට යාඥා කරන්න උගන්වාවි.“

“මම අහලා තියෙනවා මනුස්ස ලෝකයේ නපුරු මිනිස්සුත් ඉන්නවා කියලා. කවුද මාව ආරක්ෂා කරන්නෙ...?“ ළමයා නැවතත් දෙවියන්ගෙන් ප්‍රශ්න කලා.  

“ඔයාගේ දෙව්දුව ඔයාව නපුරු මිනිස්සුන්ගෙන් ඔයාව ආරක්ෂා කරාවි, එයාගේ ජිවිතය කැප කරලා හරි එයා ඔයාව ආරක්ෂා කරාවි.“ දෙවියන් නැවතත් පිළිතුරු දුන්නා. 

දුකින් පිරුණු දෑසින් යුක්තව ළමයා දෙවියන්ට මෙහෙම කීවා. “මට හැම වෙලේම දුක දැනේවි, මට ආයේ ඔබ වහන්සේව දකින්න ලැබෙන්නෙ නෑ නේ.“ දෙවියන් කරුණාවෙන් පිළිතුරු දුන්නා. “ඔයාගේ දෙව්දුව හැමවෙලේම මා ගැන කතාකරාවි. එයා කියාදේවි නැවතත් මගේ ලගට එන මාර්ගය. ඒ වුණත් මම හැමවෙලේම ඔයා ලගම ඉන්නවා.“

ඒ මොහොතේ දිව්‍ය ලෝකය වඩාත් සමකාමි බවක් පෙනුන අතර මනුස්ස ලෝකයෙන් කාන්තාවක් අමාරුවෙන් කෑගසන හඩක් ඇසුනා.

දිව්‍ය ලෝකයෙන් යන්න ඉතාමත් ලං වු පසු ළමයා හදිස්සියෙන්, නමුත් මෘදු හඩකින්, “අනේ දෙවියන් වහන්ස මම පිටත්ව යාමට ඉතාමත් ලගයි. මට කියනවාද ඒ දෙව්දුවගේ නම.“ “එයාගේ නම ගොඩාක් වැදගත් නැහැ නමුත් ඔයා එයාට මෙහෙම කතා කරාවි.“

අම්මා !

  ගැටයා