9.3.11

දසක හතරක මිනිසෙක්


නැවතත් දුර්දශාවක් එළඹ තිබේ. නපුරු කලට සතහට පැමිණෙන දුක, කළකම් පල දෙවා මිස නිමා නොවේ. සෙනසුරාණෝ විෂ්ණු දෙවියන්ට බට කොළ කැවූහ. මට නම් තණ කොළවත් නැත. 'වල් කොළ අතුට නිදා බෝඩිං යානේ' කියලා කපුගේ ගැයූ ජීවිතය විඳිමි. සුනාපරන්තයට යන්නට නොහැකිය. අගනුවර නිදිවර්ජිතව, නිරාහාරව සිර බත් කමි. මේ තීරුවට මෙහි දී නිමිත්තක් හමුවිය.

දන් දෙන්නට වස්තුව තිබිය යුතුම නැත. හිත ඇත්නම් පත කුඩා කියා ගමේ කියමනක් ඇත. සමාජය හදන්නට පෙරළි කොට දැන් හුදකලාවී තනි තනිව පරෝපකාරයේ යෙදෙන මිනිසුන් මට හමුවී තිබේ. මහින්ද සර්ධාසේන, සිසිර කොඩිකාර එබඳු මිනිසුන් දෙදෙනෙකි. මා කියන්නට යන්නේ දෙදෙනා ගැන නම් නොවේ.

ඔහු අලුයමින් අවදි වූවේය. තම බිරිඳ තවමත් නිදිය. හෙමින් නිවසේ කාමරයකට ඇතුළු වූ ඔහු තමා ඉතාලියෙන් ගෙනා සුව පහසු හාන්සිපුටුව එළියට ගත්තේය. ''මේක නිකං තියෙනවා. තේරුමක් නෑ. කාට හරි ප්රයෝජනයක් තියෙන්නට ඕනෑ'' ඔහු තමාටම කියා ගත්තේය. තම මෝටර් සයිකලයේ එය බැඳ නිවැසියන් අවදිවන්නට පෙර ගෙන ගොස් වකුගඩුවක් ඉවත් කළ මිතුරාගේ බිරිඳට පරිත්යාග කළේ ය. ඇය එහි සුව පහසුව සිටිනු බලා ඔහු සතුටට පත්වූවේය.




Amarasiri Wickramarathna | සුනාපරන්තවාසී අමරසිරි වික්රමරත්න

8.3.11

අපේ සංසාරය දිගයි....


අහස් කුස ඔබ සයුරු රළ මම
ක්ෂිතිජ ඉම මත හමුවනා...
රුදුරු වෙඩිහඩ දෙකඩ කෙරුවා
අංහිසක හිත හඩවලා...

ජීවිතය මේ යැයි කියා දුන්
සබද ඔබ අද වෙන්වෙලා...
යනෙන ගමනේ මං මුලා වී
මා හිදි ඔබ එනු බලා...

මගතොටේදී හමුවනා අය
ඔබ කොහෙද? කොතැනද? අසයි
දෙන්න පිළිතුරු නොමැත මා හට
නෙත් කෙවෙනි කදුලෙන් පිරෙයි...

අද එතැයි ඔබ හෙට එතැයි ඔබ
මගේ දෙනෙත පෙරමග බලයි
ඉන්න තැනකින් එන්න හනිකට
අපේ සංසාරය දිගයි....
G.G.A.H කරුණාතිලක
තෙවන වසර
කළමණාකරන හා වානිජ පීඨය
                                          
                                        
                                           

7.3.11

අපි අපේ සබෑ ඉතිහාසය සොයා යමුද...?(2 - කොටස)

අපි අපේ සබෑ ඉතිහාසය සොයා යමුද...? 
2 - කොටස
අපි අපේ ඉතිහාසය සොයා යන ගමන පටන් ගත්තෙ විජය රජතුමා ලංකාවේ පළවෙනි රජතුමා නෙවෙයි කියන මතයෙනේ. අපේ ඉතිහාසය සොයා යන ගමනෙ අපි වගේම විජය ලංකාවේ පළවෙනි රජතුමා නෙවෙයි අපිට ඊටත් වඩා පැරණි, අපිටම අනන්‍ය ඉතිහාසයක් තියෙනවා කියලා විශ්වාස කරන, ඒ ගැන වාද විවාද, ගවේෂණ කරන තවත් විද්වතුන් පිරිසක් සිට්නවා කියලාත් දැන ගන්න ලැබුනා. ඒ අතරින් කෙනෙක් තමයි ආචාර්ය සූරිය ගුණසේකර විද්වතා. එතුමාගේ ගවේෂණයන්ගේ, පරීක්ෂණ වල නිගමන අනුව ඒ මහාතා ඒ හා සම්බන්ධ කෘතියක් රචනා කරලා තියෙනවා ලංකා ඉතිහාසයේ හෙල යුගය කියලා.
අපි ඉතින් අපේ ගමනට එය මූලාශ්‍රයක් කර ගනිමු.
අද මාතෘකාව තමයි 



ඉතිහාසයට ඇතුළු නොවු අපේ ඉතිහාසය කිවාම මොකක්ද මේ කියලා හිතෙනවා නේද...? සමහරක් අය හිතන්න පුළුවන් අපිට මොකටද ඉතිහාසය කියලාත්. ඒ වුණාට ඉතිහාසයක් නොමැතිව වර්තමානයක්, අනාගතයක් තියෙන්න බැහැ. අපි අපේ ඉතිහාසය දැන ගත යුතුමයි. යම් කිසිදෙයක් අපට පාසලේදි ඉගැන්වු නිසාවත්, පොත් පත් වල සදහන් වෙලා තිබුනා කියලාවත් ඒ ඇත්තයි කියලා අපට විශ්වාස කරන්න බැහැ. අපි එහෙම කල යුතුත් නැහැ. බුදුදහමේ උගන්වන්නෙත් එහෙමනේ. ඒ නිසා අපි අපිට පිලිගතහැකි දේ පමණක් විශ්වාස කරනවා නම් තමයි හොද.
මෙහිදි ඉතිහාසයට ඇතුළු නොවු අපේ ඉතිහාසය කියන්නෙ විජය රජුට පෙර ලංකා ඉතිහාසය ගැන අපේ ලොකුම ඉතිහාස පොත් විදිහට
ලංකාවේ ඓතිහාසික තොරතුරු ඉතිහාසය ලෙසින් ලේඛනගත කර තිබිලා නැති වුණත් ලංකා ඉතිහාසයේ සිදුවුණා යැයි සැලෙකෙන සිදුවීම්, ලංකාවේ හිටියායි සැලෙකෙන විවධ පුද්ගලයන් ගැන තොරතුරු, ජනප්‍රවාද ලංකාවේ ඉතිහාසය ලෙස ආරක්ෂා වෙලා තියෙනවා. බලි, තරු,රාවණ කියන රජවරු දක්වා මේ ඉතිහාසය විහිදිලා තියෙනවා. ඔයාලා සමහර විට අහලත් ඇති ලංකා ලංකා පෙම්බර ලංකා, දිනවමු ඔබ ලංකා...! ඒ ගීතයෙත් සදහන් වෙනවානෙ බලි තරු රාවණ ගැමුණු විජයබා නිරිදුන් ලද ලංකා...! කියලා ඒ වුණත් බලි රජතුමා ගැනවත්, තරු, රාවණ රජවරුන් ගැනවත් ලංකා ඉතිහාසයේ නෑනේ. නමුත් අපේ ආච්චිලා සියාලාගෙන් මේ ඉතිහාසය ගැන ජනප්‍රවාද අපට උරුම වෙලා තියෙනවා.

වැඩිපුර කියවන්න