6.8.10

අපූරු දඩුවම




පසු ගිය දිනක ශ්‍රි ලංකා අග්නිදිග විශ්වවිද්‍යාලීය සෙනට් සභාව මගින් සිංහල සහිත්‍ය සංගමයේ සංස්කාරක, විධායක කමිටු සාමාජික, හිටපු සභාපති හා තවත් සමජිකයෙකුට විනය ක්‍රියාමර්ග යෑයි පවසමින් දෙවන සමසිකය සදහා නෙවාසික පහසුකම අවලංගු කරන ලදි.
මෙහි ඈති පුදුම සහගත බව නම් මෙම 4 දෙනම කිසිම වරදක් නොකර තිබිමයි.
නමුත් අදාල සමජිකයන් හට සෙනට් සභාව මගින් යව තිබු ලිපි වල සදහන් පරිදි ඔවුන්ට එරෙහිව විනය ක්‍රියාමර්ග ගෑනීමට හෙතුව ලෙස දක්වා තිබුනෙ විශ්වවිද්‍යාල පරිශ්‍රය තුල සාදචාර වීරෝධී ලෙස උද්ඝෝෂණයක් පැවත් වීමයි.




එසේ නම් විශ්වවිද්‍යාල තුල උද්ඝෝෂණ පෑවත් වීම තහනම්ද.....?
මෙලෙසින් අග්නිදිග විශ්වවිද්‍යාලීය සිංහල සහිත්‍ය සංගමයේ සභපති ඈතුලු විධායක කමිටු සමජිකයන් පිරිසක් විශ්වවිද්‍යාල උපකුලපතිතුමාගෙන්, උසස් අධ්‍යාපන අමාත්‍යංශයෙන් හා විශ්වවිද්‍යාල පරිපලන කොමිශන් සභවෙන්ද විමසන ලදි. නමුත් ලද පිළිතුර වුයෙ නෑත යනුවෙනි. එසෙ නම් ඈයි විනය ක්‍රියාමර්ග ගත්තෙ...?
 


"වස් කවි"

වස් කවි...
සිංහල සහිත්‍ය ගත් කල ජනකවියට හිමි වන්නෙ සුවිශේෂි ස්ථානයකි. මෙම ජනකවි අතරින් සාහිත්‍යට අමුතු රසයක් එක් කරනලද කවි ප්‍රබෙධයක් ජනවහරෙදි අපට හමුවෙ.එනම් 
"වස් කවි"ය.
                                                              Wikipedia වෙතින්
බහින ජලය මෙන් සියගත      ඇදීයන්
නගින ගහෙන් උගුරේ උල     ඇනීයන්
බඳින බැම්ම වල වරපට        කැඩීයන්
කෙමින ගත් හොරා හතරට    පැලීයන්
යනු තමන්ට අයත්ව තිබූ දෙයක් සොරා ගත් අයෙකුට සිදුවේවායි ප්‍රාර්ථනා කර ගායනා කරන ලද වස් කවියකි. මෙහිදි වස් යනුවෙන් අදහස් කරන්නෙ අයහපත් අන්දමින් පලවිපාක ගෙන දෙනවා යන්නයි.
එදා අද මෙන් පොලිසියක් නොතිබුන බෑවින් තමත වුණ දෙයට වස් ක්වියක් කීමෙන් පමණක් සෑහීමකට පත් වුනෙ ඈයිද යන්න විමස බෙලුව යුතු දෙයකි.
අතීත ජනය එසෙ කරන්නට අත්තෙ එම කවි ගායනා කිරිමෙන් යම් කිසි අද්බූත යමක් වෙනවායෑයි ඔවුන් විශ්වස කල බෑවිනි.






5.8.10

අමරණිය විරුවා....












අරගලය අවසන- සටන්කරු මියගිය සඳ
මිනිසෙකු පැමිණ ඔහු වෙත
හඬ ගා කීය මෙලෙසින:
''නොමැරෙනු මැනව- නොමැරෙනු මැනව
එතරම්ම ආදරෙයි මං නුඹට''
අහෝ එද, නොසෙල්විණි මළ සිරුර

ඉනික්බිති,
පැමිණ මිනිසුන් දෙදෙනෙක්
කීය නැවතත් මෙලෙසින:
''නැගී නිබයව එන්න ආපසු
හැර නොයනු මැන අපව''
අහෝ එද, නොසෙල්විණි මළ සිරුර

ඉනික්බිති,
පැමිණයහ මිනිසුන් විස්සක්
සියයක්, දහසක්
ලක්ෂයක්, පන් ලක්ෂයක්
විමසූහ එක හඬින්:
''පරදවනු බැරි වෙයිද මරණය
විසල් ආදරයකට මෙතරම්?''
අහෝ එද, නොසෙල්විණි මළ සිරුර

මිලියන ගණනක් මහ සෙනග
දසතින් පැමිණ හඬමින්
රැඳෙමින ඔහු සිරුර අස
මුර ගෑහ එක හඬින්
''හැර නොයනු සොයුර අප''
අහෝ එද, නොසෙල්විණි මළ සිරුර

අවසන,
මහ පොළොව මත වසන
සියළු මිනිස් වග පැමිණ
වටකළහ නිදන ඔහු සිරුර.

දුංඛිත මළ සිරුර සෙලවිණ!
දුටුයෙන් ඒ මිනිස් කැළ.
නැගිට සෙමෙන්- සිපගති පළමු මිනිසා
ඉන්පසු,
ඇවිද යන්නට විය!
(පීරු කවි සීසර් වෙලජෝ විසින් ලියන ලද්දක අනුවාදයකි.)
බූන්දියෙන් උපුටාගත්......

අමරණීය ‍චේ






''චේ ග්වාරා'' යන්න බිහි වූයේ ඒ නමේ අයිතිකරුවාගේ උපතින් නොවේ. චේ යනු චේ තුළින් ම එනම් ඔහුගේ ජීවිතය තුළින්ම පැන නැගුනු කිසිවක් විය. චේ වෙනත් කිසිදු විප්ලවවාදියෙකුට යා නොහැකි දුරක් ගමන් කළේය. ඔහු කියූ දේ එපරිද්දෙන් කළ මිනිසෙකු විය. බෙදුණු දකුණු ඇමරිකානු මහාද්වීපයේ අවාසනාවන්ත ඉරණම වෙනස් කිරීමටත්, එහි එක්සත්භාවයත් වෙනුවෙන් එතරම් පරමාදර්ශී කාර්ය භාරයක් ඉටු කළ වෙනත් කිසිවෙකු නොවීය. ඔහු ඒ බව ස්වකීය ජීවන භාවිතාවයෙන් පමණක් නොව, මරණයෙන් ද සනාථ කළේය. චේ, හැර දැමිය නොහැකි මතකයක් බවට පත් වූ වචනයෙන් විස්තර කළ නොහැකි අප්‍රමාණ මිනිසෙකු විය. වරෙක ජීන් පෝල් සාත්‍රේ ''චේ යනු මේ කාලයේ විසූ ඉතාම පරිපූර්ණ මිනිසා'' ලෙස හැඳින්වූයේ එහෙයිනි.
චේ බොහෝ හැකියාවන් එක් කොට තැනුනු පුදුම යන්ත්‍රයකි. වෛද්‍යවරයෙක් ලෙස, අර්ථ ශ්‍රාස්ත්‍රඥයෙකු ලෙස, රාජ්‍ය තාන්ත්‍රිකයෙකු ලෙස, තානාපතිවරයෙකු ලෙස, උපාය සැලසුම්කරුවෙකු ලෙස, ලේඛකයෙකු ලෙස සහ ඉතාම ප්‍රකට ව ඇති පරිදි සටන් කරුවෙකු ලෙස චේ ඇදැහිය නොහැකි තරමට වෘත්තීමය විය.

ඔහු, ඔහු නියැළුණු ඕනෑම කටයුත්තක පරම අවසානය දැකීමේ පිපාසයකින් පෙළුණේය. චේගේ ඉතාම ප්‍රකට කියමනක එන පරිදි,  ''ජනතාව වෙනුවෙන් වැඩ කිරීම, මිනිසෙකුට ලැබිය හැකි උතුම්ම සතුට ය.'' යන්න ඔහු සම්බන්ධයෙන් ඉතාම නිවැරදි විය. කිසිවෙකු කරනා කාර්යයකට තව කෙනෙකු හිලවු කළ නොහැකි බව ඔහු ඇදහූ අතර එය තමන්ටම යොදා ගත්තේය. තමා විශ්වාස කළ සත්‍යයන් වෙනුවෙන් තමා ම පෙනී සිටියා පමණක් නොව ඒ වෙනුවෙන් සිය ජීවිතය පුද කළේය.

මේ පොත පෙන්වා දෙන්නේ චේ අප හැර ගිය පසුවත්, අප ඔහු ජීවමාන ව තැබිය යුතු බවයි. ඔහුගේ ජීවනාදර්ශයන් විසින් වඩා යහපත් ලෝකයක් බිහි කර ගැනීමේ සිහිනය පන්නරය ලබනු ඇත. මහපොළොව මත ධනවත් ජාතීන්ගේ ද දිළිඳු ජාතීන් පාලනය කරන කෲර පාලකයන්ගේ ද පරම සතුරා ලෙස චේ මරණයෙන් මතු ද ‘ජීවත්’ වනු ඇත.



වැඩිපුර විස්තර
උපුටා ගැනීම


4.8.10

කියමන්...





  • කවියා තමාම ඉදිරිපත් වී පැවසිය යුත්‍ ඉතා ස්වල්පයකි. තමන්ම ඉදිරිපත් වී කරුණු පවසන කල්හී ඔහු අනුකරණ කාර්යෙයන් බැහැර නොවන්නේය.(ඇරස්ටොටල්)                                                                                                                                                                                                                                                                                                                                                          
  • නිර්මාණ ව්‍යාපාරවනාහී ව්‍යාකූල භාවය ඇති කරලීමේත් අව්‍යාකෘත භාවයෙන් වාක්‍යකරණ භාවය ඇති කරලීමේත් ව්‍යාපාරයයි.(මාක් ස්කෝපර්)
  •  සිහිත්‍ය කරුවා එක මොහොතක් හෝ නිහඩතාව රැකීම වනාහී ජාතියක විනාශය හා සමාන වන්නකි.(පවුස්තෝවුස්කි) 
  • භාෂාව සෑම මිනිසෙකු වසින්ම එක් ගල ගල බැගින් ‍ගෙන අවුත් ගොඩනගන ලද සුවිසාල නගරයක් වැනිය.(රැල්‍ෆ් වෝල්ඩෝ)