13.12.10

මිනිසෙක් මිය යා යුත්තේ කුමක් වෙනුවෙන් ද?

VIVA CHE!
[1 කොටස]
Andrew Sinclair 
විසින් සංස්කරණය කරන ලද,
VIVA CHE!
[The Strange Death and Life of Che Guevara] 
කෘතියෙහි පරිවර්තනය
 
මිනිසෙක් මිය යා යුත්තේ කුමක් වෙනුවෙන් ද?
1.හැඳින්වීම...

''චේ ග්වාරා'' යන්න බිහි වූයේ ඒ නමේ අයිතිකරුවාගේ උපතින් නොවේ. චේ යනු චේ තුළින් ම එනම් ඔහුගේ ජීවිතය තුළින්ම පැන නැගුනු කිසිවක් විය. චේ වෙනත් කිසිදු විප්ලවවාදියෙකුට යා නොහැකි දුරක් ගමන් කළේය. ඔහු කියූ දේ එපරිද්දෙන් කළ මිනිසෙකු විය. බෙදුණු දකුණු ඇමරිකානු මහාද්වීපයේ අවාසනාවන්ත ඉරණම වෙනස් කිරීමටත්, එහි එක්සත්භාවයත් වෙනුවෙන් එතරම් පරමාදර්ශී කාර්ය භාරයක් ඉටු කළ වෙනත් කිසිවෙකු නොවීය. ඔහු ඒ බව ස්වකීය ජීවන භාවිතාවයෙන් පමණක් නොව, මරණයෙන් ද සනාථ කළේය. චේ, හැර දැමිය නොහැකි මතකයක් බවට පත් වූ වචනයෙන් විස්තර කළ නොහැකි අප්‍රමාණ මිනිසෙකු විය. වරෙක ජීන් පෝල් සාත්‍රේ ''චේ යනු මේ කාලයේ විසූ ඉතාම පරිපූර්ණ මිනිසා'' ලෙස හැඳින්වූයේ එහෙයිනි.
          චේ බොහෝ හැකියාවන් එක් කොට තැනුනු පුදුම යන්ත්‍රයකි. වෛද්‍යවරයෙක් ලෙස, අර්ථ ශ්‍රාස්ත්‍රඥයෙකු ලෙස, රාජ්‍ය තාන්ත්‍රිකයෙකු ලෙස, තානාපතිවරයෙකු ලෙස, උපාය සැලසුම්කරුවෙකු ලෙස, ලේඛකයෙකු ලෙස සහ ඉතාම ප්‍රකට ව ඇති පරිදි සටන් කරුවෙකු ලෙස චේ ඇදැහිය නොහැකි තරමට වෘත්තීමය විය.

ඔහු, ඔහු නියැළුණු ඕනෑම කටයුත්තක පරම අවසානය දැකීමේ පිපාසයකින් පෙළුණේය. චේගේ ඉතාම ප්‍රකට කියමනක එන පරිදි, ''ජනතාව වෙනුවෙන් වැඩ කිරීම, මිනිසෙකුට ලැබිය හැකි උතුම්ම සතුට ය.'' යන්න ඔහු සම්බන්ධයෙන් ඉතාම නිවැරදි විය. කිසිවෙකු කරනා කාර්යයකට තව කෙනෙකු හිලවු කළ නොහැකි බව ඔහු ඇදහූ අතර එය තමන්ටම යොදා ගත්තේය. තමා විශ්වාස කළ සත්‍යයන් වෙනුවෙන් තමා ම පෙනී සිටියා පමණක් නොව ඒ වෙනුවෙන් සිය ජීවිතය පුද කළේය.


9.12.10

කාටවත්ම නෑහෙන මේ සරසවි අවනඩුව




ඉකුත් 14 වෙනිදා අන්තර් විශ්විද්‍යාලීයීය ශිෂ්‍ය බල මණ්ඩලය විසින් සංවිධානය 
කළවිරෝධතා ව්‍යාපාරයකට පොලිස් ප්‍රහාරයක් එල්ල වූ බව; 
සමාවෙන්න....

පොලීසිය හා සිසුන් අතර ගැටුමක් ඇතිවූ බව මේ වන විට මුළු රටමදන්නා සත්‍යයකි.

බහුතර මාධ්‍යය හුවා දක්වන ආකාරයට මෙය ජේ.වී.පී ක්‍රියාවකි. 
ජේ.වී.පී සැලැස්මකි. 
ජේ.වී.පී අතකොළුවක් වන අන්තරය ඔවුන්ගේ උවමනාවට විරෝධතාවයේ යෙදුනු බව අන්තරය වෙත එල්ල වී ඇති චෝදනාවය. 
බොහෝමාධ්‍යවල කැමරා ඇස කඳුළු සැලූයේ  එකී මතයට පක්ෂපාතීවය.

මෙම ලිපිය ලියන මම  සරසවි සිසුවෙක්මි. 
එබැවින් මෙහිදී අපට පැන නැගියයතු ප්‍රශ්න කිහිපයකි.
 අප  පිළිබඳව ඍජුව කතා කරමු. 
පසුගිය දා පැවතිවිරෝධතා ව්‍යාපාරයට සිසු සිසුවියන් 2000ක් පමණ සහභාගී වූ බව ප්‍රත්‍යක්ෂය. එසේනම් එම සිසු සිසුවියෝ සියල්ලෝම ජවිපෙ වෙත් 
අපි එකී තර්කය මදකටපැත්තකින් තබමු.
 විචාරකයන් නගන ඊළඟ පැනය මදක් ප්‍රසාරණය කර බැලීමයුක්ති යුක්ත බැවිනි
 ඒ. සරසවි සිසුහු සියල්ලෝම ජවිපෙ නොවෙතත් ජවිපෙ වනසුළුතරය අනෙක් සයල්ලෝම විරෝධතා 

ව්‍යපාරවලට බලෙන් දක්කාගෙන යන බවඔවුන්ගේ අනෙක් චෝදනාවයි...
ලිධම්මික ප්‍රසාද් තේනුවර
ඉතිරි ටිකත් කියවන්න

ස්වර්ණා සහ ලලිත්


එකම එක වලාකුලක් අහස හරහා පින්සලකින්ඇඳි අළුපාට තීන්ත පාරක් සේ විහිදී තිබිණි. එක් අගකින් මුහුදටම කිඳා බැස විශාල වූත්දික් වූත් ත්රිකෝණයක් බඳුවූ  වලාකුලටයටින් මියෙන්නට තතනන හිරු රැස් අපාට රතුපැහැයකින් දිදුලයි.
සුපුරුදු පරිදිම මුහුද එකක්පසු පස එකක් රළ ගෙඩි පා කර එවමින්වෙරලේ වැල්ල තෙතබරි කරමින් සිනාසෙමින්සිටී. රළ බිඳී නැගෙන සුදු පෙණ, සාළුවක් සේපැතිරෙන්නට තීව්රව ඉහලට නැගුණු-
වෙරලේ වැලි කන්දෙන් ඉඩක් නොමැත්තෙන් ඒවා දිය යටම බිඳී, ගොජ දමන දියසැලියක නැගෙන වා බුබුළු සේ නැගී, බිඳෙන රළ ජලය මොහොතකට දෙකකටශ්වේත වර්ණයෙන් වයිරම් වැටුණු කිරි ගරුඬ ගල්තලාවක් මෙන් පෙන්වයි.
ස්වර්ණා,
 දිගු සාය මනාව සකසා කහවන් වැල්ල මත සීරුවෙන් වාඩිවී ඈත දියඹ දෙස නෙත් යොමා සිටින්නීය. ඇගේ දෙනෙත් මට නොපෙනෙන නමුදු, ඒවාදීප්තිමත්ව එක එල්ලේ ක්ෂිතිජය රේඛාව වෙත යොමුවී තිබෙතැයි මට හැඟෙයි. හැම දෙයක්ම මෙන්ම ක්ෂිතිජයද මිරිඟුවක් වුවද, ඉර බසින මොහොතේ මෙසේබලා සිටීම ඇගේ ඉතාමත් ප්රියමනාප කාරියකි. බටහිර වෙරලබඩ ජීවත්වන අපටහිරු උදාවට වඩා හිරු බැස්ම හිතට සමීප දසුනක් වෙයි.
අද අහස පාට තුනක්... අඩ කවයක් හිස හරවා මා දෙස බලා ස්වර්ණා කියන්නීය.
රත්වන් සුර්යාලෝකයට ඉහලින් එල්ලුනු අඳුරු වලාකුලෙහි උතුරු කෙලවරකොහෙන්දෝ එන ආලෝකයකින් අඳුරු නිල් පැහැයකින් දිදුලයි. ස්වර්ණාගේහැමදාම පැහැදිලි සිනාසෙන දෙනෙත් තුලත් අඳුරු නිලක් සටහන්වී ඇතැයි මට සිතේ.
 

2.11.10

අත්වැල





ශ්‍රි ලංකාව යනු දැයේ දූවාදරුවන්ට නොමිලයේ අධ්‍යාපනය ලබා දෙන රාජ්‍යයකි. නමුත් එම වරමේ ඵල ලබා ගන්නා දූවාදරුවන් හිඟය.
නමුත් සරසවිවරම් ලැබූ ඔබත්, මමත් ඇතුළු සරසවි ශිෂ්‍ය ප්‍රජාව යනු එම නිදහස් අධ්‍යාපන වරමේ යම් දුරකට ඵල නෙලාගත්තා වූ අය වන්නෙමු. එලෙසම එම වරම තවත් අපේම ලාංකීය සොයුරෙක්ට, සොයුරියකට ලඟා කර ගැනීමට අපට සහයවිය හැකි නම්......

ප. ලි. අත්වැල යනු අග්නිදිග විශ්වවිද්‍යාලීය සිංහල සාහිත්‍ය සංගමය මඟින් පවත්වන්නක්  නොව එය අග්නිදිග විශ්වවිද්‍යාලී  ශිෂ්‍ය ප්‍රජාව විසින් පවත්වන්නකි..

18.10.10

ඔලිවර් ටිවිස්ට්

ඔලිවර් ටිවිස්ට්  

ඉතා ජනප්‍රිය ලේඛකයකු වන චාල්ස් ඩිකන්ස් විසින් රචිත “ඔලිවර් ටිවිස්ට්” නව කතාව කොටස් වශෙයන් ඔබ වෙත ගෙන ඒන්නයි සූදානම.සමහරු මත පලකරනවා මේක ඇත්තටම චාල්ස්ගේ ජීවිත කතාවදෝ කියලා.
මම මේ කතාව හොයා ගත්තේ නම් 1962  ලොන්ග්මන්ස්, ග්‍රීන් සමාගම පල කරපු පොතකින්. මේ කතාව සංක්ෂිපත් කරලා අපහු ලියලා තියෙන්නේ ලැටිප් ඩෝස් කියලා කෙනක්.

කතාව කියවන්න ඕනෙ නම් මෙතනින් කතාවට යන්න






14.10.10

නුඹයි පුතේ...


සයිබර් අවකාශයේ සැරි සරද්දි ශ්‍රි ලාංකීය සංගීත ක්‍ෂෙත්‍රයේ සිය ලකුණ සටහන් කල සුවිශේෂි කලා කරුවෙකුගේ ගීත රාශියක්ම භාගත කර ගන්නට ලැබුනා...ඒ වික්ටර් රත්නායකයන්ගේ ගීත එකතුවක්ය.
තත්කාලීන ලාංකීය සමාජය මැනවින් විග්‍රහ වන මෙම ගීතය අද ජනප්‍රිය යැයි කියන, නොයෙක් පාඨ වලින් විස්තර කරන වෛවාරණ FM නාලිකාවල විකාශනය නොවන්නේ මන්දයි? මට සිතුනා
අපගේ බ්ලොගය නරඹන සහෘදයන්ට කවදාත් හොඳ දේ ලබා දීම අපගේ අරමූණ බැවින් එය ඔබත් සමඟ හුවමාරු කරගැනීමෙන් හෝ ගීත රචකයාගේ නම නොදත්තත් වික්ටර් රත්නායකයන්ගේ හඬින් රසවත් වූ මෙම ගීතය රැකේවා, පවතීවා යැයි පතන්නෙමු.

නුඹයි පුතේ...
දාගැබ් මහා වැව් බැන්දේ නුඹයි පුතේ...
සීගිරි ගලේ ගී ලිව්වේ නුඹයි පුතේ...
නඟුලෙන් ඒදා රජ කෙරුවේ නුඹයි පුතේ...
පැඳුරේ මෙදා නිදියන්නෙ නුඹයි පුතේ...

අම රස දිව බොජුන් ගිජු කුසයට වළඳා...
සිලි සිලි සිනිඳු දිව සළු පිළි ඇඳ පළඳා...
මහජනයාට වැදි බණ කියමින් බොළඳා...
සැප විදි එකා නිරයට නොයතිද මළ දා...

ඉර හඳ අදත් පායනවා හද අරණ්...
මගේ රට පින‍ට කෑවේ නෑ නොව පොරණේ...
හෙල දරුවන්ගේ දහමේ සිංහල දෙරණේ...
ඔවුනගේ දහදියයි ලද උත්තම සර‍ණ්....

ඔබට මෙම ගීතය භාගත කරගැනීමට අවශ්‍ය නම් මෙතනින් ගන්න

වික්ටර් රත්නායකයන්ගේ ගීත අවශ්‍ය නම් මෙතනින් ඉල්ලීමක් කරන්න

ගැටයා











3.10.10

ප්ලම් ඇටය

ප්ලම් ඇටය
 දවසක්දා අම්මා ප්ලම් ගෙඩි කීපයක් ගෙනාවා. දවල් බතෙන් පස්සෙ ළමයින්ට ප්ලම් ගෙඩි බෙදා දීමටයි අම්මා ලෑස්ති වුණේ. වාන්යා කිසිම දවසක ප්ලම් ගෙඩි කාලා නැහැ. ඔහු ප්ලම් ගෙඩි අරගෙන ඒවා සිඹින්ට පටන් ගත්තා. ප්ලම් ගෙඩි වල පුසුඹ බලන්ට ඔහු බොහොම සතුටු වුණා. ඒවායේ රස බලන්ට ඔහු බොහොම ආශා කළා. හැම තිස්සෙම ප්ලම් ගෙඩි ළඟින් ඔහු එහා මෙහා ගියා. කෑම කාමරයේ කිසිවෙක් හිටියෙ නැති වෙලාවකදී, වාන්යා හොරෙන්ම ප්ලම් ගෙඩියක් අරගෙන කටේ දමා ගෙන කෑවා. දවල් කෑමට ඉස්සෙල්ලා ප්ලම් ගෙඩියක් අඩු වෙලා තියෙන හැටි අම්මා දැක්කා.අම්මා මේ ගැන තාත්තාට කීවා.

දවල් කෑමට වාඩි වෙලා තාත්තා ළමයින්ට කතා කරලා මෙහෙම කිව්වා. "ළමයිනේ ප්ලම් ගෙඩියක් කෑවෙ කවුද?" "අපි කෑවේ නැහැ." කියලා ළමයි හැමදෙනාම පිළිතුරු දුන්නා.
"මම කෑවේ නැහැ" කියලා වාන්යා කියන කොට ඔහුගේ මුහුණ ජම්බු ගෙඩියක් වගේ රතු වුණා.

"
නුඹලා කෑවේ නැතිනම් බොහොම හොඳා. නමුත් කාරණය එය නොවෙයි. ප්ලම් ගෙඩි ඇතුලෙ ඇට තියෙනවා. ඒවා කන හැටි නොදන්න ළමයි ඇට ගිලිනවා. බැරිවෙලාවත් ඇටයක් ගිලුණොත් පහුවදාට ළමයා මැරිලා යාවි. මම බයවෙන්නෙ ඔය හන්දා" කියලා තාත්තා ළමයින්ට කීවා.

වාන්යාගේ මුහුණ සුදුමැලි වුණා. "නෑ, මම ප්ලම් ඇටය ජනේලයෙන් එළියට වීසි කළා" වාන්යා තාත්තාට කිවුවා.

එතකොට හැමදෙනාම හිනා වුණා. වාන්යා විතරක් ඇඬුවා. 

[උපුටනය- ලියෝ තෝල්ස්තෝයි ළමා කතා| ප්රකාශනය -ප්රෝග්රසිව් පබිලිෂින් හවුස්]
ලියෝ තෝල්ස්තෝයි